السلام عليكم ورحمة الله وبركاته
كان مرة زمان عندي إمتحان قرآن ومش حافظة ربع اللي المفروض أسَمَّعُه
وكنت براجع على اللي حفظته وكله تمام وقلت مش مشكلة إن شاء الله السؤال بتاعي ييجي من اللي حافظاه
بعدين قبل الإمتحان على طول كل اللي كان في دماغي إن إزاي ربنا هيساويني باللي حافظ الكمية كلها
وإني ماستحقش إني أجاوب كويس وكلام من هذا القبيل!
وفعلًا دخلت عند أول مُعَلمة وسحبت سؤال: طلع في الجزء اللي مش حافظاه
سحبت التاني...برده في اللي مش حافظاه
التالت...نفس الكلام!
وكل دا هي عمالة تخصم درجات لتغيير السؤال
سبحان الله افتكرت الحديث القدسي "أنا عند ظن عبدي بي"
وفعلًا دا اللي حصل...
أحسنوا الظن بالله وهو قادر على تحقيق كل حاجة عاوزينها
أنا عندَ ظَنِّ عَبدي بي ؛ فَلْيَظُنَّ بي ما شاءَ
الراوي : واثلة بن الأسقع الليثي أبو فسيلة | المحدث : الألباني | المصدر : صحيح الموارد
الصفحة أو الرقم: 2088 | خلاصة حكم المحدث : صحيح
