حديث شريف

السلام عليكم و رحمة الله و بركاته

تذكرة بحديث معناه حلو أوي J

أحب الناس إلى الله تعالى أنفعهم للناس ، و أحب الأعمال إلى الله عز وجل سرور يدخله على مسلم ،

 أو يكشف عنه كربة ، أو يقضي عنه دينا ، أو تطرد عنه جوعا ،

و لأن أمشي مع أخ في حاجة أحب إلي من أن اعتكف في هذا المسجد ، يعني مسجد المدينة شهرا ،

و من كف غضبه ستر الله عورته ، و من كظم غيظه ، و لو شاء أن يمضيه أمضاه ملأ الله قلبه رجاء يوم القيامة ،

و من مشى مع أخيه في حاجة حتى تتهيأ له أثبت الله قدمه يوم تزول الأقدام ، 

[و إن سوء الخلق يفسد العمل ، كما يفسد الخل العسل]

الراوي: عبدالله بن عمر المحدث: الألباني - المصدر: السلسلة الصحيحة - الصفحة أو الرقم: 906

خلاصة حكم المحدث: صحيح

ماذا يحدث إذا؟

السلام  عليكم و رحمة الله و بركاته

جاء رجل إلى رسول الله صلى الله عليه وسلم . فقال : يا رسول الله ! أرأيت إن جاء رجل يريد أخذ مالي ؟ قال " فلا تعطه مالك " قال : أرأيت إن قاتلني ؟ قال " قاتله " قال : أرأيت إن قتلني ؟ قال " فأنت شهيد " قال : أرأيت إن قتلته ؟ قال " هو في النار " .

الراوي: أبو هريرة المحدث: مسلم - المصدر: صحيح مسلم - الصفحة أو الرقم: 140

خلاصة حكم المحدث: صحيح

أولًا كان في أمر أو توجيه بعدم إعطاء المال للمتعدي

و ده في الغالب مش بيحصل حاليًا

يعني في الغالب لو حد أعتدى علينا بنقوله "خذ اللي عاوزه و أمشي"!!

رؤية للموضوع

لو الحرامي أو البلطجي كل لما يحاول يسرق يلاقي الموضوع سهل و هو بمجرد إرهاب الناس كل اللي عاوز ياخده بياخده

هل هيتشجع أكتر و لا هيخاف؟!

لو شاف ان الناس بتديله اللي بيطلبه (طلع المحفظة أو هاتي الذهب اللي لابساه)

هل هيكتفي و لا هيطلب زيادة؟!

لو فعلًا قاومناه في سرقة "المال" و لم نتركه يأخذ حقوقنا

هل هنسهل عليه سرقة أكتر من كدة (أشخاص) و لا هنمنعه؟!

كتير من الناس بيقول يااااه لو كنت عايش في زمن الرسول صلى الله عليه و سلم

و يااااه لو كنت بحارب مع المسلمين

و نفسه يستشهد

لو دافعت عن مالك اللي الحرامي و لا البلطجي بياخده ده و قتلك

"فأنت شهيد" بنص الحديث

من قتل دون ماله فهو شهيد . ومن قتل دون دينه فهو شهيد . ومن قتل دون دمه فهو شهيد ، ومن قتل دون أهله فهو شهيد

-حسن الترمذي-

إسلمي يـــا مــصــــــر

السلام عليكم و رحمة الله و بركاته

-بدعيها فعلًا-

أنا زعيم ببيت في ربض الجنة لمن ترك المراء وإن كان محقا - صحيح النووي

رأي احترمته و تحليل منطقي

الشارع المصرى بعد خطاب مبارك

{وَاعْتَصِمُواْ بِحَبْلِ اللّهِ جَمِيعاً وَلاَ تَفَرَّقُواْ وَاذْكُرُواْ نِعْمَتَ اللّهِ عَلَيْكُمْ إِذْ كُنتُمْ أَعْدَاء فَأَلَّفَ بَيْنَ قُلُوبِكُمْ فَأَصْبَحْتُم بِنِعْمَتِهِ إِخْوَاناً وَكُنتُمْ عَلَىَ شَفَا حُفْرَةٍ مِّنَ النَّارِ فَأَنقَذَكُم مِّنْهَا كَذَلِكَ يُبَيِّنُ اللّهُ لَكُمْ آيَاتِهِ لَعَلَّكُمْ تَهْتَدُونَ} آل عمران103

وصية عمر بن الخطاب للجيش

المسلم أخو المسلم لا يخونه ولا يكذبه ، ولا يخذله ، كل المسلم على المسلم حرام : عرضه وماله ودمه . التقوى ههنا . بحسب امرئ من الشر أن يحتقر أخاه المسلم - صحيح الألباني

مهمة أوي
مكالمة عمار الشريعي مع منى الشاذلي
المكالمة الثانية

[1 - 2 - 3 - 4]

التبرع بالدم و الأدوية للمصابين في مصر

التبرع بالدم في جمعية رسالة

أماكن في مناطق مختلفة من الجمهورية للتبرع بالدم

التبرع بالأدوية للمصابين

إحنا فعلًا بنتقرب إلى الله بحب بلدنا، حب البلد عمره ما كان بدعة ~ محمود المصري

الدليل: النبي (ص) عندما طرد من مكة بكى و قال: "و الله إنك لأحب بلاد الله إلى الله، و إنك لأحب بلاد الله إلى رسول الله، و لولا أن قومك أخرجوني منك ما خرجت"

رَبِّ اجْعَلْ هَـٰذَا بَلَدًا آمِنًا وَارْزُقْ أَهْلَهُ مِنَ الثَّمَرَاتِ مَنْ آمَنَ مِنْهُم بِاللَّـهِ وَالْيَوْمِ الْآخِرِ

يبقى انت أكيد في مصر

السلام عليكم و رحمة الله و بركاته

لما الشعب كل اللي يحركه العاطفة...يبقى انت أكيد في مصر

لما خطاب يخلي نص الناس تعيط و تتراجع عن قرارات مهمة خدتها...يبقى انت أكيد في مصر

لما في أحلك المواقف الناس تطلع تهزر و تقول "من النهاردة مفيش حكومة، أنا الحكومة"...يبقى انت أكيد في مصر

لما الجار يخاف على جاره زي لما بيخاف على أهل بيته...يبقى انت أكيد في مصر

لما الشباب يكوِّنوا لجان شعبية منظمة جدًا للحفاظ على أمن بيتهم و أموالهم و أهلهم...يبقى انت أكيد في مصر

لما جار يجيب عيش لكل العمارة عشان احتمال يكونوا محتاجين و مش قادرين ينزلوا يجيبوا و حتى ميرضاش ياخد فلوسه...يبقى انت أكيد في مصر

لما الشباب الجامعي و آباءهم ينزلوا ينظفوا أمام بيتهم...يبقى انت أكيد في مصر

لما الحكومة تسيب الأمن و المرور و نقدر ناخد مكانها...يبقى انت أكيد في مصر

لما مع أول خطر التليفون ميبطلش رن من الناس اللي بتطمن عليك...يبقى انت أكيد في مصر

لما تسمع الجامع بينادي على أولاده و يحثهم على الثبات...يبقى انت أكيد في مصر

لما يكون في مقاومة شعبية و الناس سهرانة في عز البرد و بيلعبوا كرة قدم...يبقى انت أكيد في مصر

بس لما تلاقي أهل بلدك بيضربوا في بعض

لما تلاقي في ظلم و فساد و عدم حرية

لما تلاقي الناس بتموت أمام عينك

يبقى ساعتها أكيد في حاجة غلط بتحصل، يبقى أكيد مش بس المصريين اللي فيها أو بمعنى أصح مش بس الوطنيين

يا ريت نستوعب إن فيه رأيين

ناس مش راضية ان الرئيس بتاعها يمشي بإهانة

و ناس شايفة إن الفساد اللي حصل مايحتملش غير إنه يتنحى الآن

و لازم نحترم بعض، حتى و إن اختلفنا

ماينفعش يكون الناس في ميدان التحرير بيهاجموا بعض

افتكروا: كلنا مصريين و كلنا هدفنا نحو مصر أفضل

و كلنا عاوزين نعيش عيشة أفضل

و لو فعلًا في ناس مندسة أو تدخل من أي نوع زي ما كلنا حاسين

يبقى نتراجع حتى ينفضوا و نرجع تاني

عشان نحافظ على نفسنا

و نحافظ على بلدنا مصر

بغض النظر عن كل الأحداث الحالية

بجد  فخورة إني مصرية

ربنا يسَلِّم بلدنا من كل سوء و من كل خطر و يحفظ أهلها جميعًا

ربنا يرزقنا بالحاكم الصالح الحكيم و العادل

ربنا يعيد علينا الأمن و الاستقرار...بجد نعمة و كنا بننسى نشكر ربنا عليها

رَبِّ اجْعَلْ هَـٰذَا بَلَدًا آمِنًا وَارْزُقْ أَهْلَهُ مِنَ الثَّمَرَاتِ مَنْ آمَنَ مِنْهُم بِاللَّـهِ وَالْيَوْمِ الْآخِرِ