السلام عليكم و رحمة الله وبركاته
بقالي فترة بيجيلي بريد كل اسبوع تقريبًا بعنوان "حاسبوا أنفسكم قبل أن تحاسبوا"
البريد ده الهدف منه ان احنا دايمًا نكون فاكرين الآخرة..و نحاسب نفسنا فعلًا إذا كنا على الطريق الصح ولا لأ
طيب إيه الجديد النهاردة؟؟!!
ماهو بريد بيجي و بقرأه و بشيله و خلاص!
الجديد أن المرة دي بالذات كان مؤثر شوية..
هسيبكم تقرأوه زي ماهو
هسيبكم تقرأوه زي ماهو
سلام عليكم ،
معلش الرسالة المرة دي مختلفة شوية .. يمكن الكلام يكتر مني شوية بس من فضلكم اقرأوه للآخر ...إمبارح جالي خبر إن في ولد مات ..... عادي إيه المشكلة ، كلنا هنموت..الولد ده لسة في المدرسة ...سبحان الله ... لسة صغير قوي .. لسة أكيد كان عنده أحلام كتيرة قوي نفسه يعملها و أهله أكيد كانو مستنيين اليوم اللي هايشوفو إبنهم و هو راجل كبير و عنده بيت و يفرحوا بيه و أكيد ماحدش كان متوقع إن ممكن يموت دلوقتي .... سبحان الله..
يمكن الكلام ده يبقى عادي .. ماحنا كلنا عارفين إن إحنا هنموت و مفيش حد صغير على الموت ..
اللي بجد مش عادي ... إن الولد ده في السن ده يموت و هو بيصلي في الجامع .........يا الله !!!!!!!!!!!!!!!!!!تفتكروا هايسأل من ربك و ما دينك ؟؟؟ قصدي يعني تفتكروا هيقول ((ها ...ها....)) ؟؟؟
الولد مات و هو بيصلي في الجامع ... الولد اللي أكيد ماكانش متوقع إنه يموت دلوقتي .... بس أكيد كان متأكد إن ربنا أغلى حاجة عنده ..أصل اللي يموت كدا اكيد مش اي حد.. سبحان الله ...
طيب ، أنا عرفت الخبر ده إمبارح و أنتم عرفتوه النهارده .. و أكيد الله ليه حكمة إنه يبعت لينا الأية دي في الوقت ده ..
والله ربنا ليه حكمة إن كل واحد فينا يسمع الخبر ده دلوقتي ...
بجد لازم نعد نفكرأولا : ليه أنا دونا عن ناس كتير قوي اللي أعرف القصة دي ؟؟؟ثانيا : من عاش على شيء مات عليه ... أنا عايش على إيه ؟؟؟؟؟؟؟؟
و فكروا في الانتوا عايزينه ...بجد بجد ((كفى بالموت واعظا ))
أسف جدا إني طولت :)بس نفسي قوي كل اللي يقرا الرسالة دي ربنا يكتبله موتة زي دي :)اللهم توفنا و أنت راض عنا ...
No comments:
Post a Comment